झापाको अर्जुनधारा –६ महानन्द चोक पश्चिम व्याडमिन्टन कोर्ट नजिकै एक महिलाको शव फेला परेको छ । शवको प्रकृति हेर्दा हत्या भएको हुन सक्ने आशंका गरिएको छ ।

मृतक महिलाको टाउकोमा ढुङ्गाले हिर्काए जस्तो देखिएको छ ।हाल बिर्तामोड प्रहरीले घटनास्थललाई सुरक्षित राखेको छ । आज विहान फेला परेको शव बिर्तामोड ५ बस्दै आएकी माया मगरको भएको खुलेको छ । ५० वर्षीय महिलाको टाउकोमा चोट देखिएको बिर्तामोडका डिएसपी सुरज कार्कीले जानकारी दिए ।