झापाको मेचीनगरबाट दुई लाख रुपैयाँ चोरी गरी भाग्दै गरेको अवस्थामा एक युवालाई प्रहरीले पक्राउ गरेको छ।

बुधबार मेचीनगर–९ लिलाबस्ति स्थित प्र १–०१–००१ च ९८०५ नं। को बोलेरो पिकअप गाडीमा खलासी काम गर्ने जिल्ला इलाम–९ गोलाबस्तीका २३ वर्षीय पासाङ तामाङ बम्जनले गामडीमा राखेको नगद २ लाख रुपैयाँ चोरी गरी फरार भएको भनेर गाडी धनि इलाम सूर्योदय–८ का सुरेन जोशीले प्रहरीमा उजुरी गरेका थिए ।

विशेष सूचनाको आधारमा इलाका प्रहरी कार्यालय दमकबाट खटिएको प्रहरी टोलिले नगद चोरी गरी फरार रहेका बम्जनलाई काठमाडौँ जाँदै गरेको अवस्थामा आज दमक–९ पश्चिम बस स्टेनबाट नगद नेरु ६५ हजार १५ र भारु ८ हजार ४७० सहित पक्राउ गरेको छ ।