बिर्तामाेड । आगलागीमा परेर  १० दिनअघि घाइते भएकी बिर्तामोड उद्योग वाणिज्य संघका अध्यक्ष राजु न्यौपानेकी आमाको उपचारका क्रममा निधन भएको छ ।

गएराति ९.४५ बजे भारतको सिलिगुडीमा उपचारका क्रममा न्यौपानेकी आमा अन्दाजी ८५ वर्षीया पुष्पलता न्यौपानेको निधन भएको हो ।

गत कात्तिक २७ गते हरिबोधिनी एकादशीका दिन पूजा गर्दा दियोको आगो सल्किएर उनी घाइते भएकी थिइन् । पूजा गर्ने क्रममा दियोको आगो उनको कपडामा सल्किएको थियो । घाइतेलाई उपचारका लागि बिर्तासिटी अस्पताल बिर्तामोडमा भर्ना गरिएको थियो ।

त्यहाँ उपचार संभव नभएपछि भारतको सिलिगुडी लगिएको थियो । स्वास्थ्य अबस्था गंभीर भएपछि हिजोदेखि उनलाई भेन्टिलेटरमा राखिएको थियो । भेन्टिलेटरमै राखिएकाे अवस्थामा उनकाे निधन भएकाे थियाे ।