भद्रपुर ।  आज बिहान झापाको शिवसताक्षीमा भएको दुर्घटनामा परेका घाइतेको उपचारका क्रममा मृत्यु भएको छ ।

शिवसताक्षी नगरपालिका-१ कमल पुल स्थित पुर्ब पश्चिम राजमार्गमा पश्चिमबाट पुर्व तर्फ आउदै गरेको प्रदेश १-०१-००१ च ८२२१ नम्बरको बोलेरो पिकअप र बिपरित दिशाबाट जादैं गरेको मे ६ प २५१४ नम्बरको मोटरसाईकल ठक्कर खाएको थियो ।

दुर्घटना हुँदा मोटरसाईकल चालक शिवसताक्षी-८ का अन्दाजी ३५/४० बर्षका ललित बहादुर थापा घाईते भएका थिए । उनको उपचारका क्रममा मृत्यु भएको प्रहरीले जनाएको छ।

प्रहरीले पिकअप र पिकअप चालक मेचीनगर नगरपालिका -८ बस्ने विशाल खवासलाई नियन्त्रणमा लिई इलाका प्रहरी कार्यालय झिलझिलेमा राखि थप अनुसन्धान कार्य जारी रहेको जनाएको छ ।