बिर्तामोड । पूर्वको पशुपतिनाथले परिचित झापाको अर्जुनधारा जलेश्वर धाममा आयोजना गरिएको अष्टोत्तोरशत् १०८ श्रीमद् भागवत पाठ पारायण तथा हवनात्मक महायज्ञमा संयुक्त महिला आवाज नेपालले आर्थिक सहयोग प्रदान गरेको छ।

संयुक्त महिला आवाज नेपाल केन्द्रीय समिति र अर्जुनधारा शाखाका पदाधिकारीहरूको सहयोगमा एघार हजार एक सय पाँच रुपैयाँ   प्रदान  गरिएको हो ।

संयुक्त महिला आवाज नेपाल केन्द्रीय समितिकी अध्यक्ष शिखा खड्का गणेशले अर्जुनधारा जलेश्वर धामका मूल अर्चक अग्नीप्रसाद सिग्देललाई उक्त रकम प्रदान गरेकी थिइन्।

संस्थाको सामाजिक उत्तरदायित्व अन्तर्गत धामको श्रीबृद्दीका लागी उक्त रकम प्रदान गरिएको  अध्यक्ष खड्काले बताइन् ।