मेचीनगर । मेचीनगर नगरपालिका– १४ प्रणामी नगर टोलस्थित मदरसामा आगलागी भएको छ ।

गएराति १२ः१० बजेतिर एकतले पक्की, माथि टिनको छाना भएको मदरसा मझारे सरिफको सभाहलमा कोही नभएको अवस्थामा अचानक आगलागी भएको प्रहरीले जनाएको छ । आगलागीबाट मदरसा आंशिक रुपमा जलेको छ ।

आगो प्रहरी चौकी चारआलीबाट खटिएको प्रहरी टोली, स्थानीय, मेचीनगर र भद्रपुर नगरपालिकाको दमकलको सहयोगमा राति १२ः३० बजे पूर्ण रुपमा नियन्त्रणमा आएको थियो । आगलागीबाट अन्दाजी ३ लाख मूल्य बराबरको क्षति भएको जिल्ला प्रहरी कार्यालय झापाले जनाएको छ ।