नेपाल मानव अधिकार वर्ष पुस्तक २०२४ का लागि सङ्कलन गरिएका मानव अधिकारसँग सम्बन्धित घटनाहरुको प्रकाशन पूर्व वार्षिक समीक्षा कार्यक्रम तेह्रथुम जिल्ला सदरमुकाममा सम्पन्न भएको छ । कार्यक्रममा इन्सेक जिल्ला प्रतिनीधि सुरेश खत्रीले सन २०२३ जानवरी १ देखि डिसेम्वर १६ सम्मा सङ्कलन गरिएका ३० ओटा मानवअधिकार उल्लङघन र ज्यादतीका घटनाहरु अभिलेखिकरण गरेको जानकारी गराउनु भयो ।

तेह्रथुममा गत वर्षको तुलनामा मानव अधिकार उल्लङ्घन र ज्यादतीका घटना बढेको तथ्याङ्क सार्वजनिक भएको छ । नेपाल मानवअधिकार वर्ष पुस्तकको लागि अनौपचारिक क्षेत्र सेवा केन्द्र (इन्सेकले) तयार पारेको वार्षिक प्रतिवेदनमा यस्तो तथ्याङ्क सार्वजनिक भएको हो । तेह्रथुममा गत वर्ष १८ वटा मानव अधिकार उल्लङघनका घटना भएको थियो । यस वर्ष ३० वटा मानवअधिकारका घटना भएकोमा ३० जना पीडित रहेका छन ।
इन्सेकको तथ्याङ्क अनुसार यस वर्ष दुई जनाको हत्या, पाँच जना कुटपिट, पाँच बालिका सहित सात जना बलात्कार, यौन दुव्र्यव्यहार एक , मोसो दलेर दुव्र्यवहार एक जना, वहुविवाह एक जना, घरेलु हिंसा तेह्र जना, भौतिक संरचना क्षति एउटा गरि जम्मा ३० वटा मानवाअधिकारका घटना भएका छन् ।