हत्या, बलात्कारजस्ता आरोप लागेपछि फरार रहेका ‘तपस्वी’ रामबहादुर बम्जनको हात्तिगौडास्थित घरबाट प्रहरीले १६ देशका विदेशी मुद्रासहित ३ करोडभन्दा बढी नगद बरामद गरेको छ।

परिवारका सदस्य भेटघाट गर्न आएका बेला मंगलबार प्रहरीले बम्जनलाई पक्राउ गरेपछि खानतलासीको क्रममा उनको घरबाट ३ करोड ३४ लाख रुपैयाँभन्दा बढी नगद बरामद भएको हो। ‘३ करोड ३४ लाख नगद, ल्यापटप, २० थान मोबाइल र  १५ थान पेन ड्राइभसहित १६ देशका मुद्रा सहित पनि फेला परेका छन्’, सिआइबी प्रमुख एआइजी किरण बज्राचार्यले भनिन्। उनका अनुसार आजै जिल्ला अदालतबाट अनुसन्धानको लागि समय लिने तयारी भैरहेको छ।