पाँचथरको मिक्लाजुङ गाउँपालिका–३ आरुबोटको पेकुवामा श्रीमानले धारिलो हतियार प्रहार गरी आफ्नै श्रीमतीको हत्या गरेका छन् । उक्त घटनामा सासुआमा र छिमेकी गम्भीर घाइते भएका छन् ।

पारिवारिक विवाद बढेको र विवाद मिलाउन बसेको बेला तुम्बेवा–४ को हाङगुमका असफल कुरुम्बाङले श्रीमती गोमा फियाकको हत्या गरेको प्रारम्भिक विवरण आएको जिल्ला प्रहरी कार्यालय पाँचथरका प्रहरी निरीक्षक सुमित कुशवाहले जानकारी दिए ।घटनामा परी कुरुम्बाङकी सासु गोम फियाक र छिमेकी गम्भीर घाइते भएका छन् । घाइतेलाई उपचारका लागि झापा पठाइएको वडाध्यक्ष जीवन फियाकले जानकारी दिए । कुरुम्बाङ भने फरार छन् ।

पाँच वर्षअघि सोही ठाँउमा यस्तै प्रकृतिको घटना हुँदा नौँ जनाको हत्या भएको थियो । त्यसबेला ज्वाईंले ससुराली र आफन्तको हत्या गरी आत्महत्या गरेका थिए ।