मोरङको ग्रामथान गाउँपालिका–५ स्थित पिकअपको ठक्करबाट साइकल यात्रीको मृत्यु भएको छ ।

आज बिहान को २ च २१७ नम्बरको दुध बोक्ने पिकअप गाडीले बाटो क्रस गर्दै गरेको साइकललाई ठक्कर दिँदा साइकलमा सवार ग्रामथान गाउँपालिका ३ का ५६ वर्षीय हुवालाल माझी घाइते भएका थिए ।घाइते माझीलाई उपचारको लागि आर्या न्युरो अस्पताल बिराटनगर लागिएकोमा उनको अस्पताल पुर्‍याउन साथ मृत्यु भएको थियो । घटनामा संलग्न ठक्कर दिने पिकअप र चालक बिराटनगर महानगरपालिका–१ का ३९ वर्षीय राजेश गुप्तालाई नियन्त्रणमा लिएको छ ।