कुनै समयमा दैनिक एक लाखसम्मको कारोबार गर्ने झापाको बिर्तामोड क्षेत्र आज भोलि भने सुनसान छ। दशैंँ आउन केबल २५ दिन मात्रै बाँकी हुँदा पनि मोबाइल चलाएर पसलमा बसिरहेका छन् व्यापारी । दशैं आउनै लाग्दासमेत बजारमा चहलपहल नबढेकोमा व्यापारी चिन्तित छन् ।यस वर्ष पनि दशैंमा राम्रो व्यापार हुनेमा उनी विश्वस्त छैनन् । गत वर्ष भाडा तिर्नेसम्मको व्यापार भएको थियो । यो वर्ष त्यो पनि नहुनेजस्तो देखिन्छ व्यापारीका भनाइ छ। ‘मानिसहरूको चहलपहल पनि खासै छैन । यत्रो वर्षसम्म पसल चलाइरहँदा यस्तो व्यापारै नहुने अवस्था पहिले देखिएको थिएन ।

व्यापारीका अनुसार धेरै वर्ष पहिले बिर्तामोडमा चहलपहल देखेका मानिसहरू अहिले आउँदा अचम्म पर्ने गरेका छन् । दिनको ५० हजारदेखि १ लाखसम्मको व्यापार गर्ने साना ठुला व्यापारी पनि अहिले पसलमै निदाउँछन् । धेरै जसो ईलाम घर भएका व्यापारी फेन्सी पसल होटल चलाउँदै आएका छन् । २०८१ सालको शुरुवात नै नराम्रो भएको बताउँछन् स्थानीय व्यापारी । ‘एकातिर दुई तीन महिना सुख्खा भएको व्यापार चाडपर्वमा अलिक रिकभर होला भन्ने थियो ।समग्रमा भन्नुपर्दा व्यापार अहिले माइनसमा रहेको छ । भाडा तिर्न नसकेको अवस्था छ । बिर्तामोडमा गत वर्ष व्यवसाय ठिकै भए पनि यस वर्ष खस्किएको व्यवसायीहरूले बताएका छन् । गत वर्षभन्दा केही चलायमान हुनुपर्ने बजार झन् सुस्त हुँदै गएको उनीहरूको भनाइ छ ।