दमक । झापाको कमल गाउपालिका-१ गडुमारीका खगेन्द्र  थापाको घरमा आगलागी भएको छ ।

थापाको बाँसको भाटाको टाटीबेरा, टिनको छानो भएको १ तले घरमा आगलागी भएको हो । आगलागीबाट घर, घरभित्र भाडा वर्तन, अन्नपात, लता कपडा  नष्ट भएको प्रहरीले जनाएको छ ।

घर आगलागी हुँदा ३ लाख ५० हजार रकम बराबरको क्षति भएको जिल्ला प्रहरी कार्यालय झापाले जनाएको छ । प्रहरी चौकी तोपगाछीको प्रहरी टोली, स्थानीयबासी र कमल गाँउपालिकाको दमकलको सहयोगमा आगलागी नियन्त्रणमा आएको थियोे ।