२८ कात्तिक । आज सुनको भाउ चार सय रुपैयाँले घटेको छ । सुनकाे भाउ आज चार सय रुपैयाँले घटेर तोलाको एक लाख ६२ हजार दुई सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

हिजो सुनको भाउ एकैदिन दुई हजार चार सय रुपैयाँले घटेर तोलाको एक लाख ६२ हजार ६ सय रुपैयाँ कायम भएको थियो । पछिल्लो केही दिनयता सुनको भाउ लगातार घटेको छ ।

यस्तै आज चाँदीको भाउ भने सामान्य बढेको छ । चाँदी १५ रुपैयाँले बढेर ताेलाकाे एक हजार नौ सय ४० रुपैयाँमा कारोबार भइरहेको महासङ्घले जनाएको छ ।